要『死』的終於都要『死』....

　
　　昨日終於死了，我的Sharp SX833終於離我而去了．．．

　　異樣不停的出現，日子不斷的過去，想改變也改變不了，只好默默的接受，安息吧．．．

　　

失而復得

　
　　NDS可以說是已經成為很多香港人生活上不可缺少的手提遊戲機，返工坐車、等人、飯後時打吓機都是一個不錯嘅消磨時間好選擇，當然我都唔例外啦，所以我日日都會帶埋出去返工。
　
　　事件發生在不久前的某一日，我如常帶埋部機返工，但回家後才發現部NDS已經不知所蹤，我當時非常非常唔開心，但我仍然抱有一絲希望可以在公司尋回，可惜最後都係一句殘念，好多懷疑好多究竟不斷在我腦海出現．．．好煩呀！！究竟我部機係被人偷左定一話自己大意掉左？我完全沒有一點印象，雖然好唔甘心，但在沒有任何線索下我只有放棄，下定決心忘記，最後買過部新機。

　　事件已經過去接近兩星期左右，我大概已經接受左現實忘記過去。這時奇蹟發生了，有位同事私下約我話有說話想單獨傾，此時我抱住好奇和懷疑嘅心情步出，心想著有啲乜嘢咁神秘呀要單獨傾，『之前係我偷左你部NDS』她這樣說，對我來說太突然啦，我當時完全做唔出任何反應，『係！？』我當時這樣回答，但之前所有究竟都完全給解開了，她歸還了我所損失的，我沒有追究亦沒有追問下去，最終為什麼她突然間會作出這樣的舉動到現在仍然是一個迷．．．可以講嘅就係失而復得實在太開心啦\(^O^)/

為『所愛』放棄『所愛』

　
　　為所愛一定要放棄所愛嗎！？為何不可以兩全其美！？

　　這個問題我想如果你唔係身處其中都好難體會得到，我有個朋友可以說是共同嗜好，週末我地通常都會約埋到處尋找玩物、新Game新Figure等等，簡直可以說成慣常活動。信和、好景、先達．．深水埗等，如同一架火車在路軌上行走一樣，一成不變。他和我一樣都喜歡收藏一啲比較珍貴同稀有嘅遊戲和玩具。我所認識的他好少其他話題，總是圍繞著打機，在家打機，講電話時邊打機，搭車時打機，早上返工前都唔放過，簡直就係打機狂熱。但有一天他放低了，為『所愛』他甘願放棄『所愛』，愛真的可以將一個人徹底改變，他跟我說他女朋友唔喜歡，所以他唯有放棄，他把一切變賣決定走上另一條軌道上。『難道不可以兩全其美嗎！？』我在想，但最終仍無法找出答案．．．

感觸~

　
　　最近一到夜深就喜歡坐在房間思考〈可能因為夜深比較寧靜啦〉，望著四周由膠〈PVC Figure〉與碟〈以PlayStation為首嘅遊戲主碟群>所堆砌而成的牆壁，隨即在腦海中浮出『究竟我多年來係到做緊啲乜呢!?』這句說話~又會想如果當初我沒有收藏Game嘅嗜好現在又會如何呢?
　　
　　有朋友跟我說“Game如果唔用來玩會失去本身嘅意義，倒不如賣掉換錢拿來填肚不是更好嗎？”，我都知道現實這樣會比較實際，但又有幾多人能夠明白作為一個遊戲收藏家個中的感受，由自己多年來所付出的心血時間收集回來的Collection，不是話賣掉就賣掉咁簡單，相信只有小數真正嘅遊戲收藏家才能明白這一點！
　
　　總結，遊戲收藏家這條路真係好難行，共識嘅人真係少之又少，要有孤注一擲嘅決心上路，否則．．．，路雖難行，但我沒有後悔，為了完成更完美嘅Collection我仍然要行落去\(^O^)/直到筋疲力竭～

尋找...是為了滿足!?

　
　　說實話，我自己本身係一個非常懶惰嘅人，就算放假我都喜歡係屋企瞓覺唔多出街活動，如果一個人就更加啦，除了瞓覺外一係就睇電視上網煲日劇等，睇足全日，再衰啲連飯都懶得買，一日三餐食公仔麵算數，我就係一個咁嘅人來啦！慶幸叫做都有份工做，未致於去到頹廢^^

　　除了返工外大部分時間留在屋企，上網上網上網日日掛住上網乜都唔做，到處發掘新奇資訊，偶爾會發現到好東西，奇怪的是那種好想擁有嘅感覺好強烈，可以令一個懶到連飯都懶得買嘅人決定要出去尋找尋找尋找，我一定要得到手～抱住這種信念，我整日就坐地鐵巴士等到處尋找向商店打聽、訂、徵，想盡一切辦法都要得到手，但往往事與願違，堅持住『信念‧執著』，不放棄精神，向世界出發^^ 講笑啫唔通真係出發嗎!?　只是經Internet在海外繼續尋找而已。網上購物可能就係從這裡開始，找遍日本、台灣、美國，用盡所有付款方法〈VISA、PayPal、匯款和郵寄現金〉，不斷登記登記登記再登記，發問、留言、徵求，最後終於到手非常開心，過程雖然艱辛但非常有趣，彷彿有種尋寶嘅感覺^^
　　
　　不知不覺間，咁樣嘅生活已經７年多了，我間房已經完完全全被填滿了，發掘、尋找、收藏不斷重複重複又重複，隨之而來就係煩惱，每日坐在日益狹窄嘅房間思考著如何可以再利用得更徹底，事實根本就沒有可能...殘念就是我最終的結論。