尋找...是為了滿足!?

　
　　說實話，我自己本身係一個非常懶惰嘅人，就算放假我都喜歡係屋企瞓覺唔多出街活動，如果一個人就更加啦，除了瞓覺外一係就睇電視上網煲日劇等，睇足全日，再衰啲連飯都懶得買，一日三餐食公仔麵算數，我就係一個咁嘅人來啦！慶幸叫做都有份工做，未致於去到頹廢^^

　　除了返工外大部分時間留在屋企，上網上網上網日日掛住上網乜都唔做，到處發掘新奇資訊，偶爾會發現到好東西，奇怪的是那種好想擁有嘅感覺好強烈，可以令一個懶到連飯都懶得買嘅人決定要出去尋找尋找尋找，我一定要得到手～抱住這種信念，我整日就坐地鐵巴士等到處尋找向商店打聽、訂、徵，想盡一切辦法都要得到手，但往往事與願違，堅持住『信念‧執著』，不放棄精神，向世界出發^^ 講笑啫唔通真係出發嗎!?　只是經Internet在海外繼續尋找而已。網上購物可能就係從這裡開始，找遍日本、台灣、美國，用盡所有付款方法〈VISA、PayPal、匯款和郵寄現金〉，不斷登記登記登記再登記，發問、留言、徵求，最後終於到手非常開心，過程雖然艱辛但非常有趣，彷彿有種尋寶嘅感覺^^
　　
　　不知不覺間，咁樣嘅生活已經７年多了，我間房已經完完全全被填滿了，發掘、尋找、收藏不斷重複重複又重複，隨之而來就係煩惱，每日坐在日益狹窄嘅房間思考著如何可以再利用得更徹底，事實根本就沒有可能...殘念就是我最終的結論。